’ہم کسی دھمکی کے آگے نہیں جھکیں گے‘، ایرانی صدر کا امریکا کو دو ٹوک پیغام

ایران کے صدر مسعود پزشکیان نے امریکا کو دو ٹوک پیغام دیتے ہوئے کہا ہے کہ ایران کسی بھی قسم کی دھمکیوں کے سامنے نہیں جھکے گا اور اسلامی جمہوریہ کو کوئی بھی خوفزدہ نہیں کر سکتا۔ بدھ کے روز جاری اپنے بیانات اور سوشل میڈیا پیغامات میں ایرانی صدر نے کہا کہ مسلمان صرف اللہ کے سامنے جھکتے ہیں اور کسی بھی طاقت کے دباؤ کو قبول نہیں کرتے۔ انہوں نے امریکی حکام پر زور دیا کہ وہ ایران کو فوجی حملوں کی دھمکیاں دینا بند کریں۔ مسعود پزشکیان کا کہنا تھا کہ موجودہ عالمی نظام میں ناانصافی، قانون کی خلاف ورزی اور ظلم بڑھ رہا ہے، جس کی بڑی وجہ یہ ہے کہ سیاست کو صرف طاقت تک محدود کر دیا گیا ہے۔ انہوں نے مزید کہا کہ ایران خود کو ایک ذمہ دار ریاست کے طور پر پیش کرتا ہے جو اخلاقی اصولوں پر قائم ہے اور عالمی سطح پر انصاف اور استحکام کا حامی ہے۔ We Muslims have already surrendered to the Almighty; no one else can make us surrender. In my call with Iraq's PM @AliFalihAlzaidy, I urged the US to remove military threats from our region; followers of the Shia school cannot be coerced by force. #Iran #Iraq https://t.co/9Fh1XJyl0F — Masoud Pezeshkian (@drpezeshkian) May 5, 2026 ماہرین کے مطابق ایرانی صدر کا یہ بیان ایسے وقت میں سامنے آیا ہے جب امریکا اور ایران کے درمیان کشیدگی بڑھ رہی ہے اور خطے میں فوجی تناؤ میں اضافہ دیکھا جا رہا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل