"ہیری پوٹر" کی نئی ٹی وی سیریز کا آغاز، کب ریلیز ہوگی؟

مشہور زمانہ سائنس فکشن فلم ’ہیری پوٹر‘ کی نئی ٹی وی سیریز کی پروڈکشن کا آغاز کردیا گیا۔ ایچ بی او نے سب کے دلوں پر راج کرنے والی سائنس فکشن اور ایکشن پر مبنی "ہیری پوٹر" کی نئی ٹی وی سیریز کی باقاعدہ پروڈکشن کا آغاز کر دیا ہے جس کا طویل عرصے سے انتظار کیا جا رہا تھا۔ وارنر برادرز اسٹوڈیوز لیوزڈن (برطانیہ) میں فلم کی عکس بندی کا آغاز ہو چکا ہے اور ساتھ ہی مداحوں میں بےقراری بڑھانے کیلئے ٹی وی سیریز کی پہلی جھلک بھی جاری کر دی گئی ہے۔ اس ٹیزر میں سیریز کے نئے چائلڈ اسٹار ڈومینک میک لافلن کو ہیری پوٹر کے روپ میں دکھایا گیا ہے۔ وہ معروف گول چشمہ، ہاگ وارٹس کی یونیفارم اور پیشانی پر بجلی کے نشان والی مخصوص علامت کے ساتھ نظر آتے ہیں۔         View this post on Instagram                       A post shared by India Today (@indiatoday) ان کے اس انداز نے فوراً مداحوں کو ڈینیئل ریڈکلف کی یاد دلا دی، جنہوں نے اصل فلمی سیریز میں ہیری پوٹر کا کردار ادا کیا تھا۔ تاہم اس نئے اداکار کو ایک نئی نسل کے پوٹر فینز کے لیے مرکزی کردار کے طور پر پیش کیا جا رہا ہے۔ واضح رہے کہ یہ سیریز جے کے رولنگ کے مشہور زمانہ ناولوں پر مبنی ہے اور توقع کی جا رہی ہے کہ یہ 2027 میں ریلیز کی جائے گی۔ پروڈکشن کے آغاز اور پہلے منظر کی ریلیز کے بعد، دنیا بھر میں پوٹر کے مداحوں میں ایک نئی جوش و خروش کی لہر دوڑ گئی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل