راولپنڈی: ڈیفالٹ پلی بارگین رقم کی وصولی کے لیے بحریہ ٹاؤن کی جائیدادوں کی نیلامی

قومی احتساب بیورو (نیب) راولپنڈی نے عدالت سے منظور شدہ پلی بارگین کی غیر ادا رقوم کی وصولی کی کوششوں کے سلسلے میں آج ملک ریاض اور بحریہ ٹاؤن سے منسلک 6 کمرشل جائیدادوں کی  نیلامی کی۔ ترجمان نیب کی جانب سے جاری اعلامیے کے مطابق روبیش مارکی کو500 ملین روپے میں نیلام کیا گیا، رقم کی ادائیگی اور منتقلی کا عمل اب جاری ہے۔ اس کے علاوہ کارپوریٹ آفس-ون  کے لیے ریزرو قیمت پر یا اس سے زیادہ کی مشروط پیشکشیں کی گئی جب کہ  اس سلسلے میں نیب مجاز اتھارٹی سے حتمی منظوری زیر التوا ہے۔ کارپوریٹ آفس- II  کے لیے بھی ریزرو پرائس یا اس سے زیادہ کی مشروط پیشکش کی گئی اور  نیب کی مجاز اتھارٹی سے اس کی بھی حتمی منظوری زیر التوا ہے۔ اس کے علاوہ کوالیفائنگ بِڈز نہ ہونے کی وجہ سے 3 جائیدادیں فروخت نہیں ہوئیں اور اس سلسلے میں جلد ہی دوبارہ نیلامی کا اعلان کیا جائے گا۔ اعلامیے کے مطابق نیب عوامی رقوم کی شفاف برآمدگی اور احتساب کے قوانین پر سختی سے عمل درآمد کے لیے پرعزم ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل