دھند کے باعث میچ منسوخ، شائقین کو رقم کی واپسی سے بھارتی بورڈ کو کتنا مالی نقصان ہوگا؟

بھارت اور جنوبی افریقہ کے درمیان لکھنؤ میں شیڈول چوتھا ٹی ٹوئنٹی میچ خراب موسم اور شدید دھند کے باعث بغیر کوئی گیند پھینکے ہی منسوخ کردیا گیا تھا۔ میچ کی منسوخی کے بعد شائقین کرکٹ نے بھارتی کرکٹ بورڈ پر خراب موسم میں میچ رکھنے پر شدید برہمی کا اظہار کیا اور ٹکٹ ریفنڈ کرنے کا مطالبہ کیا جانے لگا۔ اس معاملے پر طویل خاموشی کے بعد بھارتی کرکٹ بورڈ (بی سی سی آئی) نے بالآخر اپنا مؤقف واضح کر دیا ہے۔ بی سی سی آئی کے مطابق منسوخ شدہ میچ کے ٹکٹوں کی رقم واپس کرنا براہِ راست بورڈ کی ذمہ داری نہیں بلکہ یہ کام میزبان ریاستی کرکٹ ایسوسی ایشن یعنی اتر پردیش کرکٹ ایسوسی ایشن (یو پی سی اے) انجام دے گی۔ بھارتی بورڈ کے نائب صدر راجیو شکلا نے کہا کہ اگر میچ ایک بھی اوور کے بغیر منسوخ ہو جائے تو شائقین مکمل ریفنڈ کے حقدار ہوتے ہیں، تاہم اس عمل کی نگرانی اور ادائیگی ریاستی ایسوسی ایشن کرتی ہے۔ #WATCH | Delhi | On the fourth T20 match between India and South Africa abandoned due to intense fog, BCCI Vice-President and Congress leader Rajeev Shukla says, "As far as the Lucknow match that was cancelled is concerned, it is clear that if not even a single ball is bowled in… pic.twitter.com/qXNTmvp8GP — ANI (@ANI) December 18, 2025 میڈیا رپورٹس کے مطابق اس میچ کے لیے ہزاروں شائقین نے ٹکٹ خریدے تھے اور ریفنڈ کی مجموعی رقم کروڑوں روپے بنتی ہے۔ تاہم بی سی سی آئی کو براہِ راست مالی نقصان کا سامنا نہیں ہوگا۔ ٹکٹ کی رقم واپسی کے دوران ممکنہ طور پر آن لائن سروس چارجز یا پروسیسنگ فیس منہا کی جا سکتی ہے۔ بی سی سی آئی کے اس اعلان کے بعد شائقین کو کسی حد تک اطمینان ملا ہے، تاہم اب سب کی نظریں یو پی سی اے پر ہیں کہ وہ ریفنڈ کا عمل کتنی جلدی اور شفاف طریقے سے مکمل کرتی ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل