ٹی ٹوئنٹی ورلڈکپ: آسٹریلیا اور آئرلینڈ کے ارمانوں پر پانی پھرنے کا امکان

ٹی ٹوئنٹی ورلڈکپ 2026 میں آسٹریلیا اور آئرلینڈ کے ارمانوں پر پانی پھرنے کا امکان ہے۔ تفصیلات کے مطابق بارش کے باعث پالیکیلے میں شیڈول زمبابوے اور آئرلینڈ کے درمیان میچ کا ٹاس بھی ابھی تک ممکن نہ ہوسکا ہے۔ گروپ بی میں اس وقت دلچسپ صورتحال ہے، سری لنکن ٹیم 6 پوائنٹس کے ساتھ پہلے ہی سپر ایٹ میں رسائی حاصل کرچکی ہے جبکہ عمان تین میچز میں شکست کے بعد ایونٹ سے باہر ہوچکا ہے۔ زمبابوے دو میچز کھیل کر 4 پوائنٹس کے ساتھ دوسرے جبکہ آسٹریلیا اور آئرلینڈ تین تین میچز کھیل کر 2، 2 پوائنٹس کے ساتھ بالترتیب تیسرے اور چوتھے نمبر پر ہیں۔ آج اگر آئرلینڈ زمبابوے کو اور آسٹریلیا اپنے آخری میچ میں عمان کو شکست دے دے تو 4، 4 پوائنٹس کے ساتھ بھی ان کی سپر ایٹ میں رسائی یقینی نہیں ہوگی۔ زمبابوے اگر سری لنکا سے بھی شکست کھا لے تو بھی تینوں ٹیمیں 4، 4 پوائنٹس کے ساتھ ہوں گی اور نیٹ رن ریٹ پر فیصلہ ہوگا۔ تاہم اگر آج آئرلینڈ اور زمبابوے کا میچ بارش کی نظر ہوجاتا ہے تو پھر زمبابوے 5 پوائنٹس کے ساتھ سپر ایٹ میں پہنچ جائے گا، جبکہ آسٹریلیا اور عمان کا میچ بھی بے معنی ہوجائے گا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل