اسلام آباد سے اغواء نوجوان کی تشدد زدہ لاش صوابی سے برآمد

تھانہ کوہسار کے علاقے ایف سکس سے اغواء ہونے والے نوجوان فرخ افضل کی تشدد زدہ لاش صوابی سے برآمد ہوگئی۔ اہلخانہ کے مطابق  والدین کے اکلوتے بیٹے فرخ افضل کو گزشتہ رات گھر کے باہر سے اغواء کیا گیا،  والد کا کہنا ہے کہ شور شرابے کی آواز سن کر وہ باہر نکلے تو دیکھا کہ چار سے پانچ نامعلوم افراد بیٹے کو زبردستی گاڑی میں ڈال رہے تھے۔ والد کا کہنا ہے کہ میں نے اور محلے داروں نے مل کر بیٹے کو چھڑوانے کی کوشش کی، تاہم اغواء کاروں نے فائرنگ شروع کر دی، اہلخانہ کا کہنا ہے کہ واقعے کے فوراً بعد ہم نے ون فائیو پر کال کر کے اسلام آباد پولیس کو اطلاع دے دی۔ بعد ازاں پولیس کی جانب سے اطلاع دی گئی کہ فرخ افضل کی لاش صوابی کے ایک اسپتال میں موجود ہے۔ اہلخانہ کے مطابق لاش پر تشدد کے واضح نشانات موجود ہیں۔ واقعے کے بعد تھانہ کوہسار پولیس اور مقتول کے والد لاش وصول کرنے کے لیے صوابی روانہ ہو گئے ہیں جبکہ پولیس نے واقعے کی تحقیقات شروع کر دی ہیں۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل