حراست کے دوران پنکی نے سابق پولیس انسپکٹر سے تعلقات قائم کرلیے، نیٹ ورک سے متعلق اہم انکشافات

لاہور میں منشیات فروش پنکی کے نیٹ ورک سے متعلق اہم انکشافات سامنے آئے ہیں۔ ذرائع کے مطابق مئی 2024 میں پولیس نے منشیات فروش کا ایک گینگ پکڑا تھا، جس کے کارندوں کی نشاندہی پر پنکی کو بھی حراست میں لیا گیا۔ ذرائع کا کہنا ہے کہ حراست کے دوران ملزمہ پنکی نے سابق پولیس انسپکٹر سے تعلقات قائم کیے۔ ذرائع کے مطابق زیر حراست پنکی نے مبینہ طور پر سابق پولیس انسپکٹر کو بھاری رشوت دی جس کے بعد اسے چھوڑ دیا گیا۔ بعد ازاں ملزمہ نے منشیات فروشی کے لیے اپنا نیٹ ورک بنا لیا۔ ذرائع کا کہنا ہے کہ پنکی اپنے مبینہ شوہر سابق پولیس انسپکٹر کی مدد سے گرفتاری سے بچتی رہی۔ وہ اپنے بھائی ریاض بلوچ اور دیگر ساتھیوں کی مدد سے منشیات سپلائی کرتی تھی۔ ذرائع کے مطابق ملزمہ پنکی دیگر صوبوں میں منشیات بھجوانے کے لیے بسوں کا استعمال بھی کرتی تھی، جبکہ مبینہ طور پر پولیس ریکارڈ سے بچنے کے لیے اس نے اپنے فنگر پرنٹس تیزاب سے مٹائے تھے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل