مردوں کے فٹبال میچ کے دوران کھلاڑیوں میں جھگڑا، بیچ بچاؤ کرانے والی خاتون ریفری زخمی

مردوں کے فٹبال میچ کے دوران جھگڑاتے کھلاڑیوں کے درمیان بیچ بچاؤ کرانے والی خاتون ریفری زخمی ہوگئیں۔ تفصیلات کے مطابق فرانسیسی کلب میٹز اور نیدرلینڈز کے کلب فارچیونا اسٹارڈ کے درمیان کھیلے گئے دوستانہ فٹبال میچ میں اس وقت غیرمتوقع صورتحال پیدا ہوگئی جب کھلاڑیوں کے درمیان جھگڑے کے دوران خاتون ریفری میتھلڈ ڈیمونکے زخمی ہو گئیں۔ میچ کے 40ویں منٹ میں جرسی کھینچنے کے واقعے پر دونوں ٹیموں کے دو کھلاڑی آمنے سامنے آ گئے جس کے بعد دیگر کھلاڑی بھی تنازع میں شامل ہوگئے۔ صورتحال پر قابو پانے کے لیے 26 سالہ ریفری نے مداخلت کی تاہم اس دوران وہ زمین پر گر پڑیں اور انہیں چوٹ بھی آئی۔ واقعے کے بعد طبی عملہ، سیکیورٹی اہلکار اور اسسٹنٹ ریفریز فوری طور پر میدان میں پہنچے۔ ریفری کئی منٹ تک گراؤنڈ پر رہیں جبکہ ان کا طبی معائنہ کیا گیا۔ رپورٹس کے مطابق وہ کنکشن کا شکار ہوئیں۔ The female referee who led the Metz vs Fortuna Sittard match fell after trying to separate the players. pic.twitter.com/ZaMcJH7CQi — Football Fans Stuff (@officialffsnews) July 26, 2026 اگرچہ کھیل دوبارہ شروع ہونے پر انہوں نے بطور اسسٹنٹ ریفری اپنی ذمہ داریاں سنبھالیں تاہم ہاف ٹائم پر طبیعت ناساز ہونے کے باعث میدان چھوڑ دیا اور ان کی جگہ دوسرے اسسٹنٹ ریفری کو ذمہ داریاں سونپ دی گئیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل