محبوبہ نے گاڑی پر 3400 بوسوں کے نشان بنا ڈالے، پولیس نے لڑکے پر ہی چلان کر دیا

بھارت میں محبت کے اظہار کا ایک انوکھا انداز سوشل میڈیا صارفین کی توجہ کا مرکز بن گیا جہاں ایک لڑکی نے مبینہ طور پر اپنے بوائے فرینڈ کی گاڑی کو ہزاروں لپ اسٹک بوسوں کے نشانات سے بھر دیا۔ یہ واقعہ بھارتی ریاست مدھیہ پردیش میں پیش آیا جہاں لڑکی نے اپنے بوائے فرینڈ کو سرپرائز دینے کے لیے اس کی گاڑی پر لپ اسٹک سے تقریباً 3400 بوسوں کے نشان بنا ڈالے۔ گاڑی کی منفرد حالت نے جہاں راہگیروں کی توجہ حاصل کی وہیں معاملہ ٹریفک پولیس تک بھی پہنچ گیا۔ رپورٹس کے مطابق ٹریفک حکام نے گاڑی کو تحویل میں لے لیا جبکہ اس کے مالک پر 5500 بھارتی روپے جرمانہ بھی عائد کیا گیا۔         View this post on Instagram                       لپ اسٹک کے نشانات سے مکمل طور پر ڈھکی گاڑی کی تصاویر اور ویڈیوز سوشل میڈیا پر وائرل ہونے کے بعد صارفین کی جانب سے دلچسپ تبصروں کا سلسلہ شروع ہو گیا۔ کسی نے اسے محبت کے اظہار کا منفرد طریقہ قرار دیا تو کسی نے مذاقاً کہا کہ رومانوی سرپرائز بالآخر پولیس کارروائی میں تبدیل ہو گیا۔  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل