جاپان کیخلاف امپائر پر دباؤ ڈال کر فیصلہ تبدیل کروانے پر بھارتی کھلاڑی تنقید کی زد میں

جاپان کے خلاف تاریخی ٹی ٹوئنٹی انٹرنیشنل میچ میں متنازع وائیڈ فیصلے کے بعد بھارتی کپتان شریاس ایئر اور آل راؤنڈر اکشر پٹیل کو شدید تنقید کا سامنا ہے۔ سانو انٹرنیشنل کرکٹ گراؤنڈ میں بارش کے باعث میچ 5 اوورز فی اننگز تک محدود کردیا گیا تھا۔ بھارت نے پہلے بیٹنگ کرتے ہوئے صرف 32 رنز بنائے جبکہ ہدف کے تعاقب میں جاپان ایک بڑے اپ سیٹ کے قریب پہنچ گیا تھا اور اسے آخری چار گیندوں پر چھ رنز درکار تھے۔ اکشر پٹیل کی گیند پر جاپانی بیٹر الیگزینڈر پیٹمور ریورس سوئپ کھیلنے میں ناکام رہے جسے امپائر نے وائیڈ بال قرار دیا۔ اکشر پٹیل اس فیصلے پر آگ بگولہ ہوگئے اور امپائر پر غصہ کرتے نظر آئے جس کے بعد شریاس ایئر بھی امپائرز سے گفتگو کے لیے پہنچ گئے اور نتیجتاً دباؤ کے تحت امپائر کو وائیڈ کا فیصلہ واپس لینا پڑا۔ IT WENT DOWN TO THE FINAL BALL! ????#TeamIndia hold their nerve to seal a thrilling 2-run win over Japan! ????#JPNvIND #SuzukiCup pic.twitter.com/QpdnKjxl0I — Star Sports (@StarSportsIndia) September 22, 2026 فیصلہ تبدیل ہونے کے بعد جاپان کو تین گیندوں پر چھ رنز درکار تھے تاہم وہ ہدف حاصل نہ کرسکا اور بھارت دو رنز سے میچ جیت گیا۔ اس واقعے پر صحافیوں، مبصرین اور شائقین نے بھارتی ٹیم کے طرزِعمل پر سوالات اٹھائے ہیں۔ بھارتی شائقین نے کھلاڑیوں کی اس حرکت کو جاپان سے شکست سے زیادہ شرمناک قرار دیا ہے۔ Umpires overturning a wide decision without a review or replay, simply because Indian players asked for it. What a low. This is more shameful than losing to Japan.pic.twitter.com/X2zhpsiSCf https://t.co/6OHZlMYcsH — Ragav X (@ragav_x) September 22, 2026  

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل