Loading
ڈی آئی جی عرفان بلوچ نے رواں برس جولائی میں قتل ہونے والے نوجوان تاجر میر رضا کے قتل کیس کی تفتیش کے حوالے سے کہا ہے کہ ابتدا میں پولیس کی جانب سے غفلت کا مظاہرہ کیا گیا۔
میر رضا قتل کیس کی تفتیش کے لیے تشکیل دی گئی مشترکہ تحقیقاتی کمیٹی (جے آئی ٹی) کے سربراہ ڈی آئی جی عرفان بلوچ نے میڈیا سے گفتگو کرتے ہوئے بتایا کہ میر رضا کے اہل خانہ سے ملاقات کے لیے آیا تھا اور یہاں آنے کا مقصد میر رضا کے اہل خانہ کو اب تک کی پیش رفت کے حوالے سے آگاہ کرنا تھا۔
انہوں نے کہا کہ کیس کی ٹیکنیکل بنیادوں پر تفتیش کی جارہی ہے، ابتدا میں پولیس کی جانب سے غفلت کا مظاہرہ کیا گیا۔
ڈی آئی جی عرفان بلوچ کا کہنا تھا کہ ضرورت پڑنے پر گرفتاریاں بھی کی جائیں گی، نارتھ ناظم آباد میں ویفلیکس کی برانچ سے جو اسلحہ ملا اس کا فرانزک کروایا جارہا ہے اور کوشش کررہے ہیں جو پہلو رہ گئے ہیں ان کے حوالے سے بھی تفتیش کی جائے گی۔
اس موقع پر مقتول میر رضا کے والد نے بتایا کہ جو کام اب ہو رہا ہے وہ کام پہلی تفتیشی ٹیم کرلیتی تو بہتر ہوتا، جے آئی ٹی پر اعتماد ہے اور امید ہے اب تفتیش تیزی سے آگے بڑھے گی۔
اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔
مزید تفصیل