9مئی کے 11 مقدمات پر فرد جرم عائد کرنے کی تاریخ مقرر

انسداد دہشت گردی عدالت راولپنڈی نے 9 مئی کے 11 مقدمات کی سماعت 15 اکتوبر تک ملتوی کر دی، 15 اکتوبر کو تمام کیسز میں فرد جرم عائد کی جائے گی۔ ملزمان کی حاضری لگائی گئی اور جنہیں چالان نقول نہیں ملیں ان میں چالان نقول تقسیم کی گئی۔ سانحہ 9 مئی کیسز میں جی ایچ کیو گیٹ 4 حملہ، آرمی میوزیم پر حملہ، حساس بلڈنگ جلانے اور میٹرو اسٹیشن جلانے کے کیسز بھی شامل کر لیے گئے۔ بعدازاں، میڈیا سے گفتگو میں سابق وزیر داخلہ شیخ رشید احمد کا کہنا تھا کہ آزاد کشمیر میں جو تحریک چل رہی ہے ارباب اختیار کو اس کا نوٹس لینا چاہیے، کشمیر ایک حساس مسئلہ ہے اس پر فوری توجہ ضروری ہے۔ آزاد کشمیر پاکستان کی سیاست کا محور ہے اس پر توجہ دینا ہوگی۔ شیخ رشید کا کہنا تھا کہ جب نو مئی کیسز بنے میں پاکستان میں ہی نہیں تھا، ابھی حاضری چل رہی ہے، گواہ اور شہادتیں ہوں گی پھر پتا چلے گا، کیا بنتا ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل