پاکستان، پاک چین لازوال اور آہنی دوستی پر فخر محسوس کرتا ہے، فیلڈ مارشل عاصم منیر

چین کے وزیر خارجہ وانگ ای نے بیجنگ میں فیلڈ مارشل سید عاصم منیر سے ملاقات کی جس میں انہوں نے پاک چین تعلقات کو غیر متزلزل قرار دیتے ہوئے کہا ہے کہ عالمی اور علاقائی حالات میں کتنی ہی تبدیلی کیوں نہ آئے پاکستان اور چین کی دوستی چٹان کی طرح مضبوط رہے گی۔ چینی وزارت خارجہ کے مطابق بیجنگ میں ہونے والی ملاقات کے دوران وانگ ای نے کہا کہ پاک فوج دونوں ممالک کے درمیان تعاون کو فروغ دینے میں ہمیشہ اہم کردار ادا کرتی رہی ہے جبکہ چین پاکستان کے ساتھ اپنے اسٹریٹجک تعلقات کو انتہائی اہمیت دیتا ہے۔ بیان کے مطابق فیلڈ مارشل عاصم منیر نے اس موقع پر کہا کہ پاکستان پاک چین لازوال اور آہنی دوستی پر فخر محسوس کرتا ہے۔ انہوں نے کہا کہ حالیہ برسوں میں چین کا عالمی مقام اور اثر و رسوخ مسلسل بڑھا ہے جسے دنیا بھر میں قدر کی نگاہ سے دیکھا جا رہا ہے۔ فیلڈ مارشل عاصم منیر نے چینی صدر کے پیش کردہ چار عالمی اقدامات اور بیلٹ اینڈ روڈ انیشی ایٹو کو عالمی امن، استحکام اور ترقی کے فروغ میں اہم قرار دیتے ہوئے کہا کہ ان اقدامات نے بین الاقوامی تعاون کو نئی سمت دی ہے۔ ملاقات میں باہمی تعلقات، علاقائی صورتحال اور مختلف شعبوں میں تعاون بڑھانے کے امور پر بھی تبادلہ خیال کیا گیا۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل