حکومت کی آئی ایم ایف کو این ایف سی اجلاس بلانے کی یقین دہانی

حکومت نے بین الاقوامی مالیاتی فنڈز (آئی ایم ایف) کو صوبوں کی مشاورت سے جلد نیشنل فنانس کمیشن (این ایف سی) اجلاس بلانے کی یقین دہانی کرادی۔ ایکسپریس نیوز کے مطابق پاکستان اور آئی ایم ایف کے درمیان اقتصادی جائزہ مذاکرات جاری ہیں، جس میں آئی ایم ایف نے نیشنل فنانس کمیشن (این ایف سی) کے حوالے سے پیش رفت رپورٹ مانگ لی۔ ذرائع کے مطابق حکومت نے آئی ایم ایف کو صوبوں کی مشاورت سے جلد این ایف سی اجلاس بلانے کی یقین دہانی کرائی جبکہ مذاکرات میں مرکز و صوبوں کے وسائل کی تقسیم کو اہم نکتہ قرار دیا گیا۔ آئی ایم ایف نے صحت اور تعلیم کے بجٹ میں کمی سے بچنے، لیبر فورس، ہاؤس ہولڈ اور پی ایس ایل ایم سروے مکمل کرنے پر زور دیا۔ ذرائع کے مطابق مذاکرات میں آئی ایم ایف کو مالی سال 2025 کے ترقیاتی اخراجات اور 2026 کے فریم ورک پر بریفنگ اور حالیہ سیلاب کے معیشت پر پڑنے والے اثرات پر تفصیلی غور کیا گیا۔ ذرائع کے مطابق ای۔پیڈز پروکیورمنٹ سسٹم اور بیرونی آڈٹ رپورٹس پر بریفنگ دی گئی جبکہ مذاکرات میں بینیفیشل اونرشپ رجسٹری اور نان فنانشل پروفیشنز کی نگرانی کا معاملہ زیر بحث آیا۔ ذرائع کے مطابق مذاکرات میں ٹریڈ بیسڈ منی لانڈرنگ اور رسک پر مبنی نگرانی پر سوالات اٹھائے گئے۔ آئی ایم ایف سے مذاکرات کامیاب ہونے کی صورت میں پاکستان کو تقریباً 1.2 ارب ڈالر قسط جاری کی جائے گی۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل