مریم نواز دنیا بھر کے دورے کرسکتی ہیں تو خیبرپختونخوا حکومت کو بھی اجازت دی جائے، بیرسٹر سیف

مشیر اطلاعات خیبرپختونخوا بیرسٹر سیف نے کہا ہے کہ اگر وزیر اعلیٰ پنجاب مریم نواز دنیا بھر کے دورے کرسکتی ہیں تو خیبرپختونخوا حکومت کو بھی اجازت دی جائے۔ پشاور یونیورسٹی میں گفتگو کرتے ہوئے بیرسٹر سیف نے کہا کہ صوبائی حکومت نے افغانستان میں وفد بھیجنے کے لیے وفاق کو کئی بار خطوط لکھے لیکن کوئی جواب نہیں ملا، وفاقی حکومت اپنے نمائندے بھی وفد میں شامل کرے تاکہ ان کے خدشات دور ہوسکیں۔ ان کا کہنا تھا کہ وزیر اعظم پہلے اپنی کریڈیبلٹی درست کریں اور پاکستان کے حقیقی وزیر اعظم بننے کا ثبوت دیں۔ انہوں نے کہا کہ دنیا میں امن تب ہی ممکن ہے جب مودی مذاکرات کے لیے تیار ہوگا اور اُس کے دانت توڑنے سے ہی بات آگے بڑھے گی۔ انہوں نے مزید بتایا کہ وزیر اعلیٰ خیبرپختونخوا کی بانی پی ٹی آئی سے ملاقات ہوئی جس میں امن و امان، کابینہ کی کارکردگی اور دیگر مسائل پر بریفنگ دی گئی۔ بانی نے وزیر اعلیٰ پر اعتماد کا اظہار کرتے ہوئے انہیں مالی و انتظامی اختیارات استعمال کرنے کی ہدایت دی ہے۔ جلسے میں بدنظمی سے متعلق سوال پر بیرسٹر سیف نے کہا کہ پی ٹی آئی ایک سنجیدہ جماعت ہے، اختلاف یا ناراضگی کا اظہار ضرور ہو مگر طریقہ کار جمہوری ہونا چاہیے، ہلڑ بازی کسی طور قابل قبول نہیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل