ایف بی آر نے انکم ٹیکس گوشوارے جمع کرانے کی تاریخ میں توسیع کردی

فیڈرل بورڈ آف ریونیو (ایف بی آر) نے انکم ٹیکس گوشوارے جمع کرانے کی تاریخ میں 15 دن کی توسیع کر دی۔ ایف بی آر کی جانب سے جاری سرکلر میں بتایا گیا ہے کہ ایف بی آر نے مالی سال 2025  کے لیے انکم ٹیکس گوشوارے جمع کرانے کی آخری تاریخ 15 اکتوبر 2025  تک بڑھا دی ہے اور یہ فیصلہ انکم ٹیکس آرڈیننس 2001 کے سیکشن  214Aکے تحت کیا گیا ہے۔ ایف بی آر نے انکم ٹیکس گوشوارے جمع کرانے کی تاریخ میں توسیع کا فیصلہ مختلف تجارتی تنظیموں، ٹیکس بار ایسو سی ایشنز اورعام لوگوں کی طرف سے کی گئی درخواستوں کی بنیاد پر کیا ہے۔ ذرائع نے بتایا کہ ایف بی آر کو ستمبر میں 138 ارب روپے کے عبوری ریونیو کے شارٹ فال کا سامنا رہا جبکہ ستمبر کے لیے ٹیکس وصولیوں کا ہدف 1368 ارب روپے تھا۔ ایف بی آر ذرائع نے بتایا کہ اگلے چند دن میں ٹیکس وصولیوں کے حتمی اعداد و شمار موصول ہونے پر ریونیو شارٹ فال میں کچھ کمی متوقع ہے۔ ذرائع ایف بی آر نے مزید بتایا کہ رواں مالی سال کی پہلی سہ ماہی جولائی تا ستمبر2025 میں ایف بی آر کی ٹیکس وصولیاں 2885 ارب روپے ہوگئی ہیں۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل