لاہور ائیرپورٹ کے کارگو ایریا میں خوفناک آتش زدگی، ریسکیو آپریشن جاری

لاہور ایئرپورٹ کے کارگو ایریا میں خوفناک آتشزدگی کے بعد ریسکیو آپریشن جاری ہے۔ ریسکیو  1122 کے مطابق لاہور ائیرپورٹ کے کارگو ایریا میں اچانک آگ بھڑک اُٹھی، جس کے بعد ریسکیو 1122 کو فوری طور پر اطلاع دی گئی۔ ابتدائی معلومات کے مطابق آگ کارگو ایریا میں لگی جس کے باعث وہاں ہنگامی صورت حال پیدا ہو گئی۔ اطلاع ملتے ہی ریسکیو 1122 کی ایمرجنسی وہیکلز فوری طور پر جائے حادثہ پر پہنچ گئیں، جہاں ریسکیو اہلکار آگ بجھانے میں مصروف عمل ہیں۔  ابتدائی طور پر ریسکیو کی 8 گاڑیاں موقع پر روانہ کی گئیں تاکہ آگ پر قابو پایا جا سکے اور کسی ممکنہ نقصان کو روکا جا سکے۔ حکام کے مطابق آگ پر قابو پانے کے لیے آپریشن جاری ہے جب کہ صورتحال کی مسلسل نگرانی کی جا رہی ہے۔ حکام کا کہنا ہے کہ فی الحال جانی یا مالی نقصان کی تفصیلات سامنے نہیں آئیں، تاہم فائر فائٹنگ ٹیمیں بھرپور کارروائی میں مصروف ہیں تاکہ کسی بھی بڑے سانحے سے بچا جا سکے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل