سی ڈی اے کو دارالحکومت کے 10 کرکٹ اور 10 فٹ بال گراؤنڈز کی نیلامی سے روک دیا گیا

اسلام آباد ہائی کورٹ نے وفاقی دارالحکومت کے 10 کرکٹ اور 10 فٹ بال گراؤنڈز کی نیلامی روک دی۔ سابق چیئرمین میٹرو پولیٹن کارپوریشن سردار مہتاب کی درخواست پر جسٹس راجہ انعام امین منہاس نے حکم امتناع جاری کیا۔ سی ڈی اے نے کھیلوں کے میدان پچاس پچاس لاکھ روپے کے عوض نیلام کرنے کا اشتہار جاری کیا تھا۔ عادل عزیز قاضی ایڈووکیٹ  نے کہا کہ کھیل کے میدان عام شہریوں کے لیے ہیں سی ڈی اے بھاری رقم کے عوض نیلام نہیں کرسکتا، قانون کے مطابق میٹروپولیٹن کارپوریشن کھیل کے میدانوں کا انتظام سنبھال سکتی ہے سی ڈی اے نہیں۔ عدالت نے سی ڈی اے، میٹرو پولیٹن کارپوریشن کو نوٹس جاری کرکے جواب طلب کرلیا۔ عادل عزیز قاضی ایڈووکیٹ نے کہا کہ کھیل کے میدانوں کی نیلامی سے کرکٹ اور فٹ بال گراؤنڈز عام شہریوں کے لیے بند ہونے کا خدشہ ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل