واٹس ایپ صارفین کی بڑی مشکل آسان کرنے کیلئے تیار

انسٹنٹ میسجنگ ایپلی کیشن واٹس ایپ ایک ایسے زبردست فیچر پر کام کر رہی ہے جس کا صارفین کو برسوں سے انتظار تھا۔ اب صارفین بغیر چیٹس ڈیلیٹ یا ایپ اَن انسٹال کیے اپنے اکاؤنٹ سے لاگ آؤٹ کر سکیں گے۔ واٹس ایپ بِیٹا انفو کے مطابق یہ فیچر اس وقت کچھ بیٹا صارفین کے لیے واٹس ایپ بیٹا برائے اینڈرائیڈ ورژن 2.26.21.9 میں دستیاب ہے۔ کئی سالوں تک واٹس ایپ صارفین کے پاس اکاؤنٹ سے سائن آؤٹ ہونے کا کوئی سیدھا طریقہ موجود نہیں تھا۔ اس کے لیے صرف ایپ اَن انسٹال کرنا پڑتی تھی، جس سے نہ صرف دوبارہ سیٹ اپ کرنا ہوتا تھا اور صارف کو بے آرامی بھی ہوتی تھی۔ اب واٹس ایپ ایک آسان حل متعارف کرا رہا ہے۔ نئے لاگ آؤٹ فیچر کے ذریعے صارفین وقتی طور پر واٹس ایپ سے الگ ہو سکیں گے جبکہ ان کی چیٹس، سیٹنگز اور لاگ اِن معلومات فون میں محفوظ رہیں گی۔ دوبارہ لاگ اِن کرنے پر سب کچھ ویسے ہی موجود ہوگا اور نئے سرے سے سیٹ اپ کرنے کی ضرورت نہیں پڑے گی۔ یہ اپڈیٹ خاص طور پر اُن افراد کے لیے مفید ہوگی جو کچھ وقت کے لیے میسجنگ سے بریک لینا چاہتے ہیں مگر اپنی چیٹ ہسٹری یا ایپ کو ختم نہیں کرنا چاہتے۔ رپورٹس کے مطابق واٹس ایپ بِیٹا پروگرام استعمال کرنے والے کچھ صارفین کو یہ آپشن پہلے ہی مل چکا ہے اور یہ فیچر واٹس ایپ کی سیٹنگز میں ’اکاؤنٹ‘ سیکشن کے اندر موجود ہے۔

اگر آپ اس خبر کے بارے میں مزید معلومات حاصل کرنا چاہتے ہیں تو نیچے دیے گئے لنک پر کلک کریں۔

مزید تفصیل